بالفترة الأخيرة بدت مشكلة كبيرة بالكويت بين الأطفال و هي مشكلة السمنة المفرطة
بالعايله عندنا بنت إختي حبييبتي بطة
بس مو من أكل و بس لكن البنت عندها استعداد وراثي للسمنة
شتسوي بعمرها؟!!
(عمرها 7 سنوات و من كانت بالروضة وإهي مالها حجوة غير: "بثوي رجيم" (بسوي رجيم
يا ربي ياهل مسكينة ما تعبرعلى الرجيم
إحنا و فاهمين و عارفين مو قادرين نصك حلوجنا شلون هاليـــاهل؟؟؟
اللي ياب الطاري إنها من جم يوم كانت البنت رايحة النادي
نادي صيفي للأطفال
تلاقي مجموعة بنات صغار أعمارهم ما بين 6 و 8 سنوات
متيمعين و يحشون فيها و يعيبون على سمنتها
يقولونلها يالبطة يا المتينة
البنت فقيرة خشت بقلبها
ردت البيت
البنت ما تاكل !! ما تشرب و حدها ضايق خلقها
و مو راضية تقول شفيها
بالليل يحوشها ضيق تنفس و تزيد دقات قلبها
يودونها الطبيب
يكتشفون إن السبب إنها تعبانة نفسيا من اللي صار بالنادي
واللي فيها نتيجة ضغط نفسي
خنت حيلي والله
!!!تعاني من ضغوطات نفسية و عمرها سبع سنوات بس
مستوعبييين معاااي؟؟؟
الناس ما يخلون أحد بحاله
حتى اليهال ما سلموا من الضغوطات النفسية
عفية قلوب تتحمل
الناس ما يخلون أحد بحاله
حتى اليهال ما سلموا من الضغوطات النفسية
عفية قلوب تتحمل
21 comments:
مرحبا ملايين و لا يسدن
مسا الخير
في البداية
ماشاء الله عليها عيني عليها باردة
الله يحفظها لكم
س سوولها نظام غذائي عند اي اخصائية
و ان شاء الله تفيدها
واي حبيبتي
ذكرتيني بعيال عمي
هم توأم واحد منهم ضعيف والثاني تختوخ يهببل احنا حدنا مستانسين عليه
بس هالسنة دشوا الابتدائي
والله لا يوريج الولد يرد البيت ما يحط شي بحلجه وكل شوي يسأل امه شمعنى حمود ضعيف وانا لأ !
والله عقدووه هاليهال الله يسامحهم !!!
.
.
بس مادري أحس حرام بهالعمر وريجيم !!
احنا الكبار ونتأزم إن سوينا ريجيم
فشلون اليهال !!
يعني في بلد تتخطرف فيه سيارات توصيل الأكل الساعة ثنتين بالليل بين الفرجان، بذمتج شنو تتوقعين؟
joli min 9ijich entay e7na zain mata3aqadna nafseyan we7na yahaal ..! akthar tara elte3eyeb we 7ash bele weyana we7na belrawtha wel ebteda2ey ohwa te3eyeb ohwa a'aa'aa'weee kel ele yakh6er 3la balich LOL ana habait habba masawey el homeworks chan e7arboooni el 9af kela HAW SHAKOOOOOO looooooooooool bes khosh 3eqab oha sboo3 ele temaradt feeh wo radait 7ag 6abee3ty :P
ياااعمري عورتي قلبي
:(
تدرين مشكلتنا ان احنا تربينا على الاهتمام بنظرة الناس لنا بمعنى:
لاتسوون جذي عشان الناس
لاتقولون جذي عشان الناس مايعيبون عليكم
لخ
ونسينا نغرس بنفسنا الثقه واحترام الاختلاف اللي موجود بينا
بعد عمري كسرت خاطري
المشكلة انهم يهال ما يقدرون يتحكمون في عمرهم والمغريات كثيرة
ويا ليت تساعدونها مع اخصائية تغذية وشوية رفع للثقة وان شاء الله تصير احسن
الله يحفظها لكم
i'7ti joli ishlonich,
awwal shy waddoha 7g Psychiatrist aw therapist mo'7a99a9 lila6fal itha feh 3indina bilkuwait
wi mabe atleegaf bs ana 3indi wa7da q8iah t3alij il children,
9ara7ah sa3datna marra 7g banat i'7ti nfs 3omor bint i'7tich fi moshkila nafsiyah,
fa itha 7abbah momkin atarrish lich ragamha bil email
witha ma 7a99alteeha,
ittasli aw ro7i inti aw omha 7ag therapist 7g ilkbar s2leeh wi yimkin ifeedich bshay i66abgeenah ma3aha,
wi allah i3eenkom wi i'7alleeha likom :)
هاللوو
مساكين
صج الداد حق الامهات اللي عيالهم متان
اعرف وحده جذي
بنتها متينه حيل
والثانيه رشيقه
لابقى نادي
ولاطبيب
ولادايت سنتر
ماكو فايده
جولىىىىىىىىىىى
:(
غورقت عيونىى
حرااام
حبيبتى والله حبيبتى
وااى قطعتى قلبى
اشلون ما تتعب نفسيتها
احنا حتى يهالنا يخرعون
ماخذين طبايع الكبار حش وطنازه
حسبى الله ونعم الوكيل
انزين فكراو اتسفرونها
تروح امها معاها الجيك ادخلها مصحه شهر
تستانس واتغير جو
واكلها يتنظم
!!
اعرف وحده سوت حق بنتها جذى وفاد ترى
وااى بثوى رجييم
واى جولى البنت دشت قلبى
احسها اتينن
الأستاذ بلاليط
يا هلا و مرحبا
سوينا لها بس هم ماكو فايده
ياهل
تشوف اليهال ياكلون
صعب نمنعها
:(
Shahad
حبيبتي حيالله من يانا
إي وعلية هذا نفس حالة بنت إختي
إي والله حرام
ما يعبرون على الرجيم
إييهم إكتآب
إحنا و ما نتحمل فشلون الياهل؟
ماكو إلا ننطر لما تكبر شوي و تفهم على عمرها
Fahad Al Askr
أي والله صدقت
إحنا عندنا ثقافة الأكل الغلط
إهي الطاغية
shakshaka
لوووووول صاجه صاجه
أنا عن نفسي تعقدت منذ الصغر و لله الحمد
دايما يقولونلي بتصيرين بطه
لما تعقدت من الأكل
و إذا زدت كيلو واحد يحوشني إحباط و إكتئاب و أتأزم
و أضرب عن الطعام لما أنزله و فوقه كيلوين زياده علشان الحبايب لووول
لوووول أهم شي سالفة الهوموورك
إنتو شاكووووووو
لووووووووووووووول
أشوا ما طولت معاج الحاله جان أعلنو عليج الحرب
لووووول
سالفة قلب
يا هلااا و يا مرحبااااا
حيالله من يانا تو ما نور البلوق
:)
إي والله صح كلامج
هذي أكبر مشكلة عندنا
إنا نهتم بكلام الناس و رايهم فينا و نهمل نفسنا
يربي إذا إحنا متان و راضين الناس شكووووو؟؟؟؟
بس شنسوي بعد هذا مجتمعنا
ناس ما تخلي أحد بحاله
مملوحه كويتية
مسكينة إن صكت حلجها بالبيت بتاكل بالمدرسه
و إن ما كلت بالمدرسة بتروح الفرع مع اليهال بالزوارة
ف وين ما تروحين على قولتج مغريات
سوينالها ب دايت سنتر
ضعفت لها شوي و ردت سمنت
:(
ماكو إلا إنني أشتغل عليها من ناحية القدوة لأنها مناشبتني بكل شي
شريجة مو بنت إخت ههههههه
سالفة عجيبة
هلا هلا هلا عجوبة
:)
حبيبتي مشكووووورة
عسى الله لا يحرمني منج
:*
جان زين لو في عيادات بالكويت متخصصه بهالمجال
توفر للأطفال أنظمة غذائية و تهتم بالجانب النفسي بنفس الوقت
لأنها صارت مشكله عامة و موجودة بكل بيت
المشكلة الكبيرة إهي الإستعداد الوراثي
للسمنة
what will be, will be
هلا و غلااااا
وينج تأخرتي ؟
أنا لا صار عندي عيال
بعقدهم من المتن وهم صغار
ماكو غير حليبة وحدة باليوم
لا و خالي الدسم بعد
لووووووول
إجرام مو أمومة
بس شسوي يقولج الوقاية خير من العلاج
فأصغر معدتهم من و هم صغار علشان ما يتعبون لي كبروا
ههههههههه
كارزما
حبيييييبتي والله
إي شفتي؟؟ خنت حيلي
لا أقولج سالفة بعد؟
أول ما أمها ولدت و يابت ولد
جان تقول : أشوه ما يبتوا بنية
أكيد بتكون ضعيفة و بتلبسونها على كيفها
و كل شي قدها
و أنا ماكو شي قياسي
لا لا لا أشوا إن ولد
تخيلي مسكينه
هههههههههههههه
ايييي تدش القلب حدهاااا
طالعه على خالتها جولي
هههههههههه
(شرايج بالثقة بس)
حبيبتي قلبي والله
نفسيتها تعبانه
والله مشاكل من ورا هالأكل إللي قمنا ناكله
بس مثل ما قلتي
إستعداد وراثي
عندي بنت حماي
ما إتخيلين مسكينه لما إتطالع عيالي يتنقزون و يطامرون و إهيا ما تقدر تسوي مثلهم
خامرة و قاعدة
تكسر خاطري فقيره
عندي حركة أسويها لما كنت صغيرة
أركب علي جرجوووب الباب
الحين 2 من عيالي يسوونها
التختوخه جعدتي ما يقدر يسويها
هاهاهاهاها
يكسر خاطري
وااااااااااي حبيبتي والله
بس تدرين مرات الاهل صراحه يزيدون الطين بله فوق ان يخلونهم ياكلون على راحتهم يعيبون عليهم !؟
والله اعرف بنية وحده والله تكسر خاطري على قولتج تختوخه والباجي اسمالله عليهم ضعاف او جسمه متناسق
اهيا مقروده اللي من بدهم طالعه جذي .. شتسوي بعمرها
---
بس خل يحاولون معاها يخلونها اتحرك ويخففون الخرابيط : كاكاو بطاط وحلاو مااقولج يمنعونها لأن صعب اهيا عنونه وينها وين :)
والحركه مثل ماقلت هم زينه موشرط بس مشي .. ترومبلين والا يعلمونا السباحه والا القاري والاتنزل وتصعد ويا اميمتها الدري جم مره يعني المهم تحاول تساعدها ^_^
ووو بعد شنو ياربي هم عندج الشركات اللي ايوصلون هم يسوون نظام حق اليهال واكيد يحسبون حساب الاشيا اللي اتشوق اليهال ^_^
ماشالله عليها
انا اتصور ان المشكله الاساسيه نفسيه
ومسأله كون قابليتها للسمنه شي وراثي
الحمدلله هذا شي ايطمن اكثر من بعض
الاطفال اللي يعانون من خلل هرموني
عسى الله يحفها منه يارب ، السالفه جدا
متعبه اللي يعينها ويعين امها،،في
بدائل الحين موجوده بالكويت للكاكاو
والحلاو حق الاطفال اللي يعانون من
السمنه الزايده،بس الاهم اهو التأهيل
النفسي وهذا شي صعب بالنسبه حق طفله
بهالعمر حاولو تعطونها قلم وورقه خل
تسجل وزنها بيدها وتقارن جم كانت قبل
اسبوع وجم صارت الحين هذا الشي اكيد
يساعدها،عسى الله يبلغ امها فيها
انشالله وتشوفونها احلى وحده بالعايله
Post a Comment